116. አሊ ሹምባሕሪ ኢብራሂም - Ali Shumbahri

                 በአፋርኛ የድርሰት ስራዎችን  የሰራ

ተወዳጅ ሚድያና ኮሚኒኬሽን በፊልም ፤ በቴአትር፣ በሬድዮ ድራማ ፤ በማስታወቂያ ዘርፍ ፤ በሚድያ ዘርፍ ከ1990ዎቹ ጀምሮ አስተዋጽኦ ያበረከቱ ባለሙያዎችን ታሪክ በፌስ ቡክ እንዲሁም በሌሎች የማህበራዊ ሚድያዎች እናስተዋውቃለን፡፡ ብዙዎቹ በወጣትነት አንዳንዶቹም በጉልምስና እድሜ ላይ የሚገኙ ሲሆኑ የዛሬ ጎልማሳ የነገ የሀገር ባለውለታ ነውና ታሪካቸውን እየሰነድን ለትውልድ እናስቀምጣለን፡፡ ለወደፊቱም ምርምር ለሚያደርጉ እና ወይም የስራ ፕሮጀክቶቻቸውን ለሚደግፉ ሰዎች ይጠቅማል ብለን እናምናለን፡፡ በ5 ዘርፎች ትልቅ ስራ ሰርተዋል ብለን ያመንባቸውን ሰዎች ታሪክ እናቀርባለን፡፡ ይህ የማስተዋወቅ ስራ ውድድር ሳይሆን በሙያው የተለየ ሚና ያበረከተ ማንኛውም ሰው ታሪኩ የሚሰነድበት ነው፡፡ በሚድያ ዘርፍ በአፋርኛ    ልዩ ልዩ የሚድያ እና የጥበብ ስራ የሚያቀርበውን አሊ ሹምባህሪን እናስተዋውቃለን፡፡ 

              ትውልድ እና ልጅነት 

      አሊ ሹምባሕሪ ጥር 03 1980 ዓ.ም  አላማጣ ተወልዶ ፤ አላማጣና አፋር ክልል ያሎ ወረዳ ነው እድገቱ፡፡

    በአላማጣ ከተማ  ምስራቅ 1ኛ ደረጃ ትምህርት ቤት ከ1ኛ-5ኛ ክፍል ድረስ ተምሯል::

በትምህርት ቤቱም የደረጃ ተማሪ ነበር፡፡

ከ6ኛ-12ኛ ክፍል በአዲስ አበባ ከተማ እድገት የጎልማሶች ትምህርት ቤት  ትምህርቱን ተከታትሏል፡፡

11ኛ ክፍል ተማሪ እያለ ነበር ግንቦት 1 ቀን 2002 ጀምሮ በሬድዮ ፋና ስራውን የጀመረው፡፡

2002 የህክምና ትምህርት ቢጀምርም በስራ ጫና ምክንያት መቀጠል አልቻለም፡፡

በኋላም  በአድማስ ዩንቨርሲቲ አይቲ ዲፕሎምና በኮምፒውተር ሳይንስ ተመርቋል፡፡

         የኪነ-ጥበብ ዝንባሌ   ወደ ሚድያ ጉዞ 

አሊ የ2ኛ ክፍል ተማሪ እያለ ነበር ወደ ኪነጥበቡ አለም  ያዘነበለው ፡፡ በዚህ ወቅት “አቤት ጊዜ” በሚል ርእስ በኤች አይ ቪ ኤድስ ላይ ትኩረቱን ያደረገ ድራማ ላይ በመሳተፍ ፣ የተለያዩ ግጥሞችን በትግርኛና በአማርኛ ይፅፍ ነበር፡፡

በ2005 ወደ አዲስ አበባ በመጣ ጊዜም የተለያዩ ጥበባዊ ስራዎች በእድገት የጎልማሶች አዳሪ ትምህርት ቤት ሚኒ ሚድያ ላይ  ያቀርብ ነበር፡፡

በትምህርት ቤቱ አስተማሪ ከነበረውና  የወድያነሽና የጉንጉን አንጋፋው ደራሲ ሀይለመለኮት መዋእል ጋር ለመገናኘትም እድል ፈጥሮለታል፡፡

አሊ ከልጅነቱ ጀምሮ የመፃፍና የጋዜጠኝነት ሙያ ፍቅር ስላደረበት እንደሚሳካለት ባለሙሉ ተስፋ ነበር፡፡

አንድ ቀን የቅርብ ጓደኛው መሀመድ አሊ ቢኢዶን አሊ ያገኘዋል፡፡ መሀመድ፣  የኢትዮጵያ ቴሌቪዥን ጋዜጠኛ ሲሆን  ከአሊም ጋር አብረው ተምረው ነበር፡፡ በሬድዮ ፋና የስራ ማስታወቂያ ሰምቶ ይነግረዋል፡፡ መስፈርቱ ደግሞ ዲግሪና ከዚያ በላይ እንዲሁም የስራ ልምድ ስለሚጠይቅ አስቸጋሪ እንደሚሆን ሌሎች ጓደኞቹ ቢነግሩትም፡ ጉዳዩን ለደራሲ ሀይለ  መለኮት መዋእል አጋርቶት አንተ የሚዲያ ሰው ነህ ተስፋ ሳትቆርጥ ሞክር ብሎት ነበር፡፡ ወደ ሬድዮ ፋና ሲመጣ በ10ኛ ክፍል ውጤት አንመዘግብም በማለት ይመልሱታል፡፡  አሊ ግን መዝግቡኝና ፈተናውን ከወደቅኩኝ እቀራለሁ፡፡  በዛ ይታይልኝ ብሎ ይጠይቃል፡፡ ከሀላፊዎች ጋር ተነጋግረው፤ በልዩ እንዲመዘገብ ተደረገ ፡፡ በነገራችን ላይ ስራ ልምድ ስላልነበረው  ለ5 አመት የሰራበትን የሚኒሚድያ ስራ የድጋፍ ደብዳቤ ትምህርት ቤቱ ፅፎለታል፡፡

              በአፋርኛ የጻፋቸው የሬድዮ ድራማዎች 

አሊ  ፋና ሬድዬ በአፋርኛ  ቋንቋ  ክፍል  ከገባ በኋላ የተለያዩ አጫጭርና ረጃጅም ድራማዎችን ፅፏል፣ አዘጋጅቷል፣ ለምሳሌ ከጻፋቸው ድራማዎች መካከልም ዲፉ፣ቴኬም፣ልኬ፣አብሱማ፣ ዓጎ መጥቀስ ይቻላል፡፡ በተጨማሪም ኣጫጭር ድራማዎች ፅፏል፡፡ አሊ በአፋርኛ የማስታወቂያ ስራዎችን በመስራት ግንባር ቀደም የማስታወቂያ ባለሞያ ነው፡፡

አሊ ከአፋርኛ በተጨማሪም የትግርኛ ቋንቋ ተናጋሪ ሲሆን፤ከመናገር አልፎ “ዓሳዲ ራያ” የተሰኘ በራያ ባህል ላይ ትኩረት ያደረገ ለፊልም የሚሆን ድርሰት ፅፎአል

 አሊ ሹምባህሪይ  በ2021 እአአ ዲኬቲ ኢትዮጵያ  ያዘጋጀው የጋዜጠኞች ውድድር ላይ 1ኛ በመውጣት አሸናፊ ሆኗል፡፡









አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ምስል
          103. ደረጀ ሀይሌ ሺበሺ-    Dereje haile shibeshi   ኮሜዲያ ደረጀ ሀይሌ የራሱን አሻራ ያኖረ ባለውለታ              የዚህ ታሪክ አሰባሳቢ ተወዳጅ ሚድያና ኮሚኒኬሽን በስነ-ስእል ፤   በስነ-ጽሁፍ፣ በፊልም ፣ በቴአትር፣ በሬድዮ ድራማ ፤ በማስታወቂያ ዘርፍ ፤ በሚድያ ዘርፍ ከ1990ዎቹ ጀምሮ አስተዋጽኦ ያበረከቱ ባለሙያዎችን ታሪክ በፌስ ቡክ ፤ በዊኪፒዲያ እንዲሁም በሌሎች የማህበራዊ ሚድያዎች እያስተዋወቀ እንዳለ ይታወቃል፡፡ ውድ ይህን ሀሳብ የምትደግፉ     መስፈርቱን ያሟላሉ   የምትሏቸው ሰዎች ጠቁሙን   ፤ እርስዎም ታሪኬ መሰነድ አለበት ካሉ ይላኩልን፡፡ ከተቀመጠው መስፈርት አንጻር አይተን ታሪክዎን እናወጣለን፡፡ በ tewedajemedia@gmail.com ግለ-ታሪክዎን ይላኩ፡፡ ጥቅምት 14 2014 የ1000 ሰዎች ታሪክ ሲሞላ ድንቅ ታሪካዊ ምረቃ ይኖራል፡፡ ታሪካቸው አሁን የሚሰራላቸው፤ ብዙዎቹ በወጣትነት አንዳንዶቹም በጉልምስና እድሜ ላይ የሚገኙ ሲሆኑ የዛሬ ጎልማሳ የነገ የሀገር ባለውለታ ነውና ታሪካቸውን እየሰነድን ለትውልድ እናስቀምጣለን፡፡ ለወደፊቱም ምርምር ለሚያደርጉ እና ወይም የስራ ፕሮጀክቶቻቸውን ለሚደግፉ ሰዎች ይጠቅማል ብለን እናምናለን፡፡ በ6 ዘርፎች ትልቅ ስራ ሰርተዋል ብለን ያመንባቸውን ሰዎች ታሪክ እናቀርባለን፡፡ ይህ የማስተዋወቅ ስራ ውድድር ሳይሆን በሙያው የተለየ ሚና ያበረከተ ማንኛውም ሰው ታሪኩ የሚሰነድበት ነው፡፡ ከኮሜዲ ዘርፍ ታሪኩን የምናቀርብለት ሰው ፊልም ላይ ይተው...
Read more »
ምስል
                   134. አቶ ሀይሉ ገብረማሪያም - ATO HAILU GEBREMARIM ተወዳጅ ሚድያ እና ኮሚኒኬሽን ለሀገራቸው ሳይሰስቱ የሰጡ፤ ለእኔ ሳይሉ ለእናት ሀገሬ   ብለው አስደናቂ አሻራ ያኖሩ ሰዎችን ግለ-ታሪክ በዚህ የኢትዮጵያዊያን ታሪክ በሚዘከርበት ድረ-ገጽ ላይ ያኖራል፡፡ አሁን የምንዘክራቸው ሰው በአሁኑ ሰአት የ87 አመት ሰው የሆኑት አቶ ሀይሉ ገብረማሪያም ናቸው፡፡ እርሳቸውም በምህንድስና ዘርፍ ሃላፊነታቸውን የተወጡ ታላቅ ባለውለታ በሚለው ዘርፋችን ውስጥ አስተዋጽኦዋቸው በዝርዝር ይቀርባል፡፡   ይህ ታሪክ በሲቪል አቪዬሽን ባለስልጣን ታሪክ ትልቁን ድርሻ የሚይዙትን የሀይሉ ገ/ማርያም ህይወት እና ስራ ያካተተ   ፅሁፍ ነው፡፡የአቶ ሀይሉ ገብረማርያምን የሰማንያ ስድስት ዓመት ጉዞን እና በዚሁ ድርጅት   ደግሞ ለሀምሳ አምስት አመታት በመታተር መስራቸውን ያሳያል፡፡   አቶ ሀይሉ ፣ሲቪል ኢቪዬሽንን ድሮ እና ዘንድሮን የምናይባቸውም ታላቅ ሰውም ናቸው፡፡ ሕይወታቸው መማሪያ፣ማወቂያ እና ነገን መመልከቻም ይሆናል፡፡በዚህ የግለ-ታሪክ ጽሁፍ   የልጅነታቸውን፣የትምህርታቸውን፣የስራ እና ሕይወታቸውን ጊዜያቸውን በጥቂቱ ለመዳሰስ ተሞክሯል፡፡ አንብቦ ለማሰብ አስቦ ለመመራመር ዕውቀትን ከትላንት ጨልፎ ለነገ ለማሻገርም የሕይወት መርሀቸውን በማወቅ ወደ ነገ እንሻገር፡፡                            ...
Read more »
ምስል
  31.   ተስፋዬ ድረሴ ጻድቅ   Tesfaye Diressie Tsadik  የልደት ቀን - ሚያዝያ 23.1950  የትውልድ ቦታ - ክብረመንግሥት/አዶላ  ቁመት - 1.69  ክብደት - 76.6  የፀጉር ቀለም - > 50.5% ነጭ  የፀጉር ሽፋን - < 50.6% ባለቤት - ሮማን ቱፋ ደበሌ  የትዳር ዘመን - ከጥር 19.1983 ጀምሮ  ትምህርት/ሙያ - አፕላይድ ሶሽዮሎጂስት  የኑሮ ሁኔታ - ከድህነት ወለል በላይ  መተዳደሪያ/ገቢ - የግል ሥራ (“ተስፋዬ ድረሴ የማስታወቂያ ሥራ”)፣ ግጥም፣ ዜማ፣ ማማከር፣ ማሰልጠን፣ ወዘተ  “ተሰጥዖዎች” – (በልማድ ያዳበራቸው ክህሎቶች)፤ ግጥም፣ ዜማ፣ ሙዚቃ፣ መጣጥፍ፣ ተረት፣ ወዘተ  የአዋቂነት ዘመን በጊዜ ውስጥ ማለፊያ፣ ራስን ማዝናኛዎቹ - መዝፈን፣ የድምጽ ልምምድ፣ ዜማ መድረስ፣ ግጥምና ሌሎች መጽሀፍትን ማዘጋጀት (ማጠራቀም)፣ ማሰላሰል፣ ስፖርት (ዱብ ዱብ፣ ፑሽ አፕ፣ የእግር ጉዞ፣ ዳንስና ጭፈራ)፣ የተለያዩ አሰላሳዮችን፣ የተፈጥሮና የማህበራዊ ሳይንቲስቶችን መከታተል፤ ለምሳሌ፡- Neil Degrasse Tyson, Sadhguru, Pro PLO Lumumba, Daniel Goleman, Yuvula Noah፣ ቋንቋ መማር (ኦሮምኛ)፣ ከባሌበቱ፣ ከጎረምሳ ልጆቹና ከጓደኞቻቸው ጋር ማውጋት፣ መማማር፣ የአካባቢ ጉዳዮች ላይ መሳተፍ፣ ነጻ ስልጠናዎችን መስጠት፡፡  ልዩ ምስጋና - ለአንድ፣ አንድ ሰው ብቻ፡- ከመምህራን - ለቲቸር ክብረት መንገሻ - የክብረመንግሥቱ፤ ከጓደኛ - ለተሾመ አማረ ኃ/ማርያም (አሁን ካናዳ የሚኖር አብሮ አደግ)፣ ከቤተሰብ - ለታላቅ እህቱ አኅታገኘሁ ድረሴ፤ እና ከቤት፣...
Read more »